Spoken From The Heart

Insan ki tamam feelings ese mysterious adaz se banai gai hain k ... unko man o an lafzon me utarna mumkin nhn ha ... Maslan ap ek ese shakhs ko jisne kabhi khushi ya ghami na dekhi ho...na feel kia ho ... usko kese bayan krain gay k khushi / ghami kia chez hoti ha? Excitement bhi in feelings me se ek ha ... jo k mere point of view se happiness ka kuch arsay k liye constant source ha ... like apke andr kuch esa positive josh ho jo baher anay ko betab ho ... jese sooraj ki pehli kiran ya sahil par apki traf tezi se ati hui lehr.... Lekin excitement k bad do chezain he ho sakti hain... ya to ap mayoos hojatay hain expectations na puri honay ki wajah se ... ya ap sakoon pa lete hain.... aur me ye kahunga k inme se dosri statement meri feelings ki akasi kr rahi ha :) 

Khayalon me Mehev ho kar Kabhi jo apni khirki se Baher dekhta hun me Bht si mukhtalif sochain Mujhe ab gher leti hain Yaqeenan unme tum bhi ho Tmhari yad ab bhi ha Magar itna hua ha k Udasi ab nhn hoti Purana koi zakhm jese Mundamil hojae Samandar ki wo tund lehrain Jese pash hojaen  Puranay koi zard pattay Jese shakh se jhar jaen Kabhi jinme mehev ho kar Ghanton beet jatay thy Bht anjan lagti hain Mujhay ab wo sab sochain...

Kehte hain k insan ghalti ka putla ha.  magar ye bat insaniat ki ghaltiyon ki traf kashish ko puri tarha bayan nhn krti.  ghalti to wo hoti ha jo insan se na chahte huay hojae.  magar insan to aksar mamnuaa chezain jan boojh kr krta ha...  isko ek trha ka nasha keh lain jo ghalat kam me ata ha...  har kisi ko kisi na kisi ghalat kam ka nasha hota ha...  me apni kamzori music ko kahunga....har thoray dino bad mujhe kisi naye music ki talash hoti ha jo khumaar de... Insan ko andar se chuu leta ha music...  mukhtalif log mukhtalif trha se lete hongay isay.... Magar kabhi kabhar music apko sab kuch bhula deta ha aur esa mehsoos hota ha jese ap badlon me hain aur ap sab kuch kr sktay hain....  shayad isi lye buray kamo'n ko chorne k silay me Jannat milegi :)